Дзяржаўная тэлерадыёкампанія Ірана IRIB 16 чэрвеня трапіла пад ізраільскі ўдар падчас жывога эфіру. Трансляцыю давялося перапыніць, піша IranWire.
Isreal attack on IRIB Office pic.twitter.com/uXsh4mgVHE
— Universe Line (@fayazkath786) June 16, 2025
Удар ізраільскіх ВПС прыйшоўся па офісе іранскай дзяржаўнай тэлерадыёкампаніі IRIB у Тэгеране. Момант атакі трапіў у жывы эфір. Трансляцыю давялося перапыніць, вядоўца рэціравалася са студыі. Канал хутка пераключыўся на загадзя запісаныя кадры.
Намеснік палітычнага прадстаўніка дзяржтэлебачання Ірана заявіў, што супрацоўнікі працягнуць сваю працу пасля ізраільскай атакі.
Раней Армія абароны Ізраіля (ЦАХАЛ) заклікала да эвакуацыі з раёна Тэгерана, дзе размешчаная штаб-кватэра IRIB. Міністр абароны Ісраэль Кац заявіў, што «іранскі рупар прапаганды і падбухторвання знаходзіцца на шляху да знікнення», піша The Times of Israel.