Аляксандр Лукашэнка заявіў на выязным семінары-нарадзе ў Мінскім раёне, што ў сельскагаспадарчым сектары Беларусі не хапае дысцыпліны, таму ён праводзіць кадравы эксперымент.
Паводле палітыка, сярод цяперашняга складу старшыняў аблвыканкамаў ужо палова — не аграрыі.
«З іншага боку, гэтыя людзі прайшлі праз цэнтр, займалі высокія пасады, у тым ліку ў энергетыцы і нават сілавых структурах», — адзначыў ён.
Лукашэнка разлічвае, што гэтыя кіраўнікі ў тым ліку паспрыяюць падняццю ўзроўню дысцыпліны.
«Спецыялістаў у нас шмат. Пакуль кульгае арганізацыя. Паглядзім, што з гэтага кадравага эксперыменту атрымаецца. Але не хапае дысцыпліны. Усё робім правільна. Але часам робім павольна, а часам не робім наогул. Выканальніцкая дысцыпліна — пытанне нумар адзін», — падсумаваў Лукашэнка.