Двухгадовага хлопчыка, якога беларус шпурнуў на падлогу ў маскоўскім аэрапорце Шарамеццева, увялі ў медыкаментозную кому. Пра гэта расказалі медыкі дзіцячага цэнтра імя Рошаля.
Дзіця падключылі да апарата штучнай вентыляцыі лёгкіх. У яго дыягнаставаны адкрыты пералом чэрапа, гематомы і пералом пазваночніка. Спецыялісты збіраюцца правесці тамаграфію, каб высветліць, наколькі моцна пацярпеў галаўны мозг пацыента.
Нагадаем, інцыдэнт адбыўся ў зоне выдачы багажу ў аэрапорце Шарамеццева. 31-гадовы грамадзянін Беларусі падышоў да чужога дзіцяці, падняў яго на вышыню і з усёй сілы шпурнуў на падлогу. Першапачаткова паведамлялася, што ён прыляцеў з Кабула (Афганістан), але пазней высветлілася, што ён ляцеў транзітам з Егіпта ў Мінск.
Паводле відавочцаў, мужчына знаходзіўся ў неадэкватным стане. Пазней аналізы пацвердзілі, што ён быў пад уздзеяннем наркотыкаў.
На пытанне паліцэйскіх, ці быў падазраваны раней судзімы, ён адказаў каротка: «Памылкі здзяйсняў». Якія — не ўдакладніў.
Бацька пацярпелага хлопчыка расказаў расійскім СМІ, што сустракаў у аэрапорце жонку і дваіх дзяцей з Ірана. Яны з’язджалі на святы, аднак вярнуліся праз абстрэлы.