Аляксандр Лукашэнка 30 чэрвеня правёў кадравы дзень, паведаміла прэс-служба палітыка.
У базавым спісе новых прызначэнцаў, які паклалі на стол Лукашэнку, было 29 прозвішчаў. Сярод іх — новы памочнік палітыка. Таксама абнавіўся дыпкорпус, а змены ў мясцовых органах улады закранулі «практычна ўсе рэгіёны».
— З чым звязанае ў нас такое масавае прызначэнне? Мяняем практычна 10 працэнтаў складу, — пацікавіўся Лукашэнка.
— Гэта планавая праца. Шмат у чым гэта звязаная з сацыяльна-эканамічнымі момантамі, — адказаў кіраўнік Адміністрацыі палітыка Дзмітрый Крутой.
Пазней прэс-служба апублікавала першыя прозвішчы новых прызначэнцаў:
Віктар Рафаловіч узгоднены на пасаду намесніка старшыні Брэсцкага аблвыканкама, ён будзе курыраваць пытанні сацыяльнай сферы.
Андрэй Болтрык зойме пасаду намесніка старшыні Гродзенскага аблвыканкама, у яго вядзенні будуць пытанні эканомікі.
Павел Волчак — старшыня Ганцавіцкага райвыканкама.
Валянцін Ундруль — старшыня Буда-Кашалёўскага райвыканкама.
Аляксандр Атрошанка — старшыня Рагачоўскага райвыканкама.
Дзмітрый Шпігановіч — старшыня Хойніцкага райвыканкама.
Сяргей Гайкоў — старшыня Чачэрскага райвыканкама.
Сяргей Андрэеў — кіраўнік адміністрацыі Савецкага раёна г. Гомеля.
Дзмітрый Згурскі — кіраўнік адміністрацыі Цэнтральнага раёна г. Гомеля.
Мікіта Рэут — старшыня Дзяржынскага райвыканкама.
Вячаслаў Лапатка — старшыня Крупскага райвыканкама.
Дзяніс Колесень — старшыня Мінскага райвыканкама.
Андрэй Атрушкевіч — старшыня Стаўбцоўскага райвыканкама.
Аляксандр Маеўскі — старшыня Пухавіцкага райвыканкама.
Мікалай Арлёнак — старшыня Горацкага райвыканкама.