Прэзідэнт Расіі Уладзімір Пуцін 26 чэрвеня прыбыў з двухдзённым візітам у Беларусь, стала вядома з трансляцыі, якую вялі дзяржтэлеканалы.
У аэрапорце расійскага лідара сустрэў прэм’ер-міністр Беларусі Аляксандр Турчын. Гэта адпавядае патрабаванням пратаколу для візіту такога ўзроўню.
Як паведамлялася раней, Уладзімір Пуцін у Мінску возьме ўдзел у паседжанні Найвышэйшага Еўразійскага эканамічнага савета і ў пленарнай сесіі IV Еўразійскага эканамічнага форуму, якія арганізаваны ў рамках старшынявання Беларусі ў органах Еўразійскага эканамічнага саюза ў 2025 годзе.
Раней у Беларусь з гэтай жа мэтай прыбылі прэзідэнт Казахстана Касым-Жамарт Такаеў і прэм’ер-міністр Кыргызстана Садыр Жапараў.
Для Пуціна і іншых высокіх гасцей форуму падрыхтавалі эксклюзіўны падарунак, паведаміла ТАСС прэс-сакратарка Аляксандра Лукашэнкі Наталля Эйсмант.
«З нагоды падарунка я скажу так. У нас, як вы, я ўпэўненая, ведаеце, з выкананнем абяцанняў усё ў парадку — тры гады чакаць не трэба. Эксклюзіў для Уладзіміра Уладзіміравіча і іншых высокіх гасцей — гатовы», — заявіла яна.