У Салігорску мужчына паспрабаваў зарэгістраваць аўтамабіль Audi A6, але трапіў пад праверку праз падроблены транзітны нумар, паведамілі ў прэс-службе Дзяржаўнага камітэта судовых экспертыз.
У МРЭА ДАІ звярнуўся 27-гадовы жыхар Салігорска з мэтай паставіць на ўлік Audi A6. Падчас праверкі дакументаў інспектар ДАІ ўсумніўся ў сапраўднасці транзітнага рэгістрацыйнага знака, які меў прыкметы зменаў.
Знак быў канфіскаваны і скіраваны на экспертызу. Падчас даследавання спецыялісты выявілі, што рэгістрацыйны знак не адпавядае стандартам — адрозніваецца як памерам, так і шрыфтам.
Пазней супрацоўнікі міліцыі высветлілі, што летам 2024 года аўтамабіль знаходзіўся ў лізінгу ў жыхара Ліды. Пасля таго як ён згубіў транзітны нумар і перастаў уносіць плацяжы, лізінгавая кампанія канфіскавала транспартны сродак і выставіла яго на аўкцыён. Новы ўладальнік набыў Audi, не падазраючы, што на ёй стаіць фальшывы рэгістрацыйны знак, выраблены ранейшым уладальнікам.
Па гэтым факце праводзіцца праверка.